दीपक भट्ट र सुलभ अग्रवाल पुर्पक्षका लागि जेल चलान

काठमाडौँ । सम्पत्ति शुद्धीकरण (मनी लाउन्डरिङ) मुद्दामा व्यवसायी दीपक भट्ट र सुलभ अग्रवाललाई पुर्पक्षका लागि थुनामा पठाउन विशेष अदालतले आदेश दिएको छ।

बुधबार विशेष अदालतका अध्यक्ष सुदर्शनदेव भट्ट तथा सदस्यहरू उमेश कोइराला र विदुर कोइरालाको इजलासले अन्तिम सुनुवाइ नभएसम्म दुवैलाई कारागारमा राख्न आदेश दिएको हो। विशेष अदालतकी सूचना अधिकारी पार्वती हितानका अनुसार मुद्दाको सुनुवाइ जारी रहेकाले उनीहरूलाई थुनामा पठाउने निर्णय गरिएको हो।