क्यान्सरको औषधि छैन, ‘थेरापी’ जारी छ !

भक्तपुर क्यान्सर अस्पतालमा बुवाको उपचार गराइरहेका गोकर्णेश्वरका रामकुमार श्रेष्ठका दिन यतिबेला औषधि खोज्दै बितिरहेका छन्।

पाँच सातादेखि किमोथेरापीमा आवश्यक औषधि अभाव भएपछि उनलाई अस्पतालबाहिर धाउनुपर्ने बाध्यता परेको हो। कलेजोको क्यान्सरबाट पीडित बुवाका लागि आवश्यक औषधि अस्पतालको फार्मेसीमा नपाइएपछि उनी दिनहुँजसो औषधि खोज्न भौतारिरहेका छन्।