जनजाति महासङ्घद्वारा बाढीपीडितलाई पाँच लाख सहयोग

काठमाडौँ । नेपाली कांग्रेसनिकट नेपाल लोकतन्त्रवादी आदिवासी जनजाति महासंघले काभ्रेपलाञ्चोकको रोशी गाउँपालिकाका बाढीपीडितलाई पाँच लाख ५५ हजार पाँच सय आर्थिक सहयोग गरेको छ ।

महासंघका अध्यक्ष ओमबहादुर घर्तीमगर नेतृत्वको टोलीले आज काभ्रेपलाञ्चोकको रोशी पुगेर बाढीपहिबाट भएको क्षतिको अवलोकन गरी त्यसको पुनःनिर्माण र पीडित नागरिकको राहतका लागि गाउँपालिकाका अध्यक्ष दिनेश लामालाई उक्त रकम हस्तान्तरण गरेको हो ।