भारतले पठायो थप ३५ टन राहत सामग्री

काठमाडाैं – विनाशकारी बाढीबाट प्रभावित नेपालका लागि भारतले थप ३५ टन राहत तथा उद्धार सामग्री पठाएको छ । भारतीय वायुसेनाको सी–१७ ट्रान्सपोर्ट विमानमार्फत बुधबार उक्त मानवीय सहायता नेपाल ल्याइएको हो ।

भारतीय विदेश मन्त्रालयका प्रवक्ता रणधीर जैसवालका अनुसार पछिल्लो खेपमा विपद् उद्धारका लागि आवश्यक विभिन्न उपकरण तथा सामग्री समावेश छन् । उनका अनुसार राहत सामग्रीमा राष्ट्रिय विपद् प्रतिक्रिया बल (एनडीआरएफ) का उद्धार उपकरण, उद्धार सामग्री, फरेन्सिक सामग्री तथा नेपाली सेनासँग कार्यरत टोलीका लागि आवश्यक बन्दोबस्तीका सामान रहेका छन् ।