बाढी पीडितको राहतका लागि कृषि विकास बैंकले दियो ३ करोड सहयोग

काठमाडौं । रसुवा बाढीबाट प्रभावित भएका नागरिकहरूको राहत र उद्धारका लागि कृषि विकास बैंकले ३ करोड रुपैयाँ आर्थिक सहयोग गरेको छ। बैंकले यो रकम ‘प्रधानमन्त्री दैवी प्रकोप उद्धार कोष’ मा जम्मा गरेको हो।

शुक्रबार बैंकका प्रमुख कार्यकारी अधिकृत गोविन्द गुरुङले अर्थमन्त्री स्वर्णिम वाग्लेलाई ३ करोड रुपैयाँको चेक हस्तान्तरण गरे। सो अवसरमा बैंकका सञ्चालक समिति अध्यक्ष टंक प्रसाद पाण्डे, उपमहाप्रबन्धक सुशील हुमागाई, विभागीय प्रमुख बीना शर्मा र वरिष्ठ शाखा प्रमुख ध्रुव पौडेलको पनि उपस्थिति थियो।