तेस्रो बागमती प्रदेश खेलकुद प्रतियोगिता सुरु, ४ हजार खेलाडी सहभागी हुँदै

हेटौँडा । बागमती प्रदेशको सबैभन्दा ठूलो बहुखेल प्रतियोगिता ‘तेस्रो बागमती प्रदेश खेलकुद प्रतियोगिता–२०८३’ बुधबारदेखि औपचारिक रुपमा सुरु भएको छ । बागमती प्रदेशका मुख्यमन्त्री इन्द्रबहादुर बानियाँले हेटौँडामा आयोजित विशेष समारोहबीच प्रतियोगिताको उद्घाटन गरेका हुन् ।

प्रदेश खेलकुद विकास परिषद्को आयोजनामा सञ्चालन भएको उक्त प्रतियोगिता असार ९ गतेसम्म चल्नेछ । प्रतियोगितामा बागमती प्रदेशका १३ वटै जिल्लाका खेलाडीहरुले सहभागिता जनाएका छन् । प्रदेशस्तरीय खेलकुदको विकास, प्रतिभा पहिचान र राष्ट्रिय तथा अन्तर्राष्ट्रिय प्रतिस्पर्धाका लागि खेलाडी उत्पादन गर्ने उद्देश्यसहित प्रतियोगिता आयोजना गरेको प्रदेश खेलकुद परिषद हेटौंडालले जनाएको छ ।