प्रधानमन्त्री बालेन शाह, गृहमन्त्री सुधन गुरुङ र रवि लामिछानेले एक नौलो राजनीतिक संस्कारको सुरुवात

आर्थिक वर्ष २०८३/८४ को बजेट वक्तव्यमार्फत प्रधानमन्त्री बालेन शाह, गृहमन्त्री सुधन गुरुङ र राष्ट्रिय स्वतन्त्र पार्टीका सभापति रवि लामिछानेले एक नौलो राजनीतिक संस्कारको सुरुवात गरेका छन्।

विगतका वर्षहरूमा सत्ता र शक्तिको पहुँचका आधारमा आफ्नै जिल्ला र क्षेत्रमा बजेट थुपार्ने परिपाटीले व्यापक आलोचना खेप्दै आएको थियो। तर यसपटक यी तीन प्रभावशाली नेताले अघिल्लो वर्षको तुलनामा आफ्ना क्षेत्रका पूर्वाधार योजनाहरूमा बजेट घटाएर पहुँचवालाकै क्षेत्रमा बढी बजेट जाने परम्परालाई चुनौती दिएका छन्।झापा, गोरखा र चितवन जस्ता जिल्लाहरूमा बजेट कटौती भएको खबर सार्वजनिक भएसँगै नागरिकस्तर र सामाजिक सञ्जालमा यसको व्यापक स्वागत गरिएको छ। यस कदमलाई शक्तिको दुरुपयोग गर्ने पुरानो प्रवृत्ति अन्त्य गर्ने दिशामा एक साहसिक र सकारात्मक प्रस्थान विन्दु मानिएको छ।

राजनीतिक विश्लेषकहरूका अनुसार, यो निर्णयले व्यक्तिगत र क्षेत्रीय स्वार्थभन्दा माथि उठेर समग्र राष्ट्रिय आवश्यकता र सन्तुलित विकासलाई केन्द्रमा राख्ने नयाँ राजनीतिक सोचको प्रतिनिधित्व गर्दछ। यसले आगामी दिनमा अन्य जनप्रतिनिधिहरूलाई पनि आफ्नो क्षेत्रभन्दा माथि उठेर सोच्न प्रेरित गर्ने अपेक्षा गरिएको छ।