जेनजी आन्दोलनको प्रभाव : मधेसकेन्द्रित दलहरू ‘हराए’

काठमाडौँ । जेनजी आन्दोलनपछिको आम निर्वाचनमा नेपालका परम्परागत राजनीतिक शक्तिहरू मात्र होइनन्, मधेस विद्रोहबाट उदाएका दलहरू समेत नराम्ररी थलिएका छन् ।

एक समय मधेसको सत्ता र सडकमा एकलौटी पकड जमाएका यी दलहरू अहिले आफ्नो अस्तित्व जोगाउन संघर्ष गरिरहेका छन् । संसदमा खुम्चिएको प्रतिनिधित्व र संगठनभित्रको बढ्दो निराशाले गर्दा मधेसी दलहरूको अवस्था ‘ढल्दै गरेको सूर्य’ जस्तै बन्न पुगेको छ ।