आफूलाई थाहै नदिई नारायणकाजीले विद्या भण्डारी भेटेको प्रचण्डको स्पष्टीकरण

पूर्वराष्ट्रपति विद्या भण्डारीलाई भेट्न नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ असार १९ गते बिहान ९ बजे भंगाल निवास पुगे। असार १४ गते मदन जयन्तीको अवसरमा आयोजित कार्यक्रममा बोल्दै भण्डारीले एमालेको सदस्यता नवीकरण गरेर सक्रिय राजनीतिमा फर्किएको घोषणा गरेपछि श्रेष्ठ उनलाई भेट्न पुगेका थिए। त्यो पनि पार्टी अध्यक्ष पुष्पकमल दाहाल प्रचण्डलाई थाहै नदिई।

करिब ४५ मिनेट जति भएको भेटवार्तामा के–के कुरा भयो, पूरै सार्वजनिक भइसकेको छैन। तर, सो भेटको असर भने माओवादी केन्द्रमा देखिएको छ।