माओवादी कमजोर हुनुमा दोषी को ?

काठमाडौँ । नेकपा (माओवादी केन्द्र)का अध्यक्ष पुष्पकमल दाहाल प्रचण्ड र उपमहासचिव जनार्दन शर्माबिच बढ्दै गएको अन्तरविरोध स्थायी रूपमा हल हुन नसक्दा नेता-कार्यकर्तामा अन्योल देखिएको छ । शर्माले पार्टीभित्र जनवाद हराएको र केन्द्रीयता मात्र बाँचेको आरोप लगाएपछि अध्यक्ष प्रचण्ड चिढिएका छन् ।

अन्य पार्टीको तुलनामा माओवादीभित्र उच्चतम जनवादको प्रयोग भएको दाबी गर्दै प्रचण्डले पूर्व नेताहरू मोहन वैद्य किरण, डा. बाबुराम भट्टराई, रामबहादुर थापा लगायत नेताहरूलाई पार्टी कारबाही नगरिएको प्रष्टीकरण सार्वजनिक रुपमै दिए ।