एनआरएनए कतारमा एकता कायम गर्न दुई पक्षबिच सहमति

काठमाडौँ। गैर आवासीय नेपाली सङ्घ (एनआरएनए) कतारको नेतृत्वमा लामो समयदेखि देखिएको विवाद अन्त्य गर्न सङ्गठनका दुई पक्षबिच औपचारिक सहमति भएको छ। एनआरएनए राष्ट्रिय समन्वय परिषद् कतारको वर्तमान कार्यसमिति र सुनील घिमिरे नेतृत्वको समूहबिच एकता महाधिवेशनमार्फत सङ्गठनलाई एक ढिक्का बनाउने सहमति भएको हो।

दुवै पक्षले गत असार १७ गते एक सहमति पत्रमा हस्ताक्षर गर्दै आगामी ११ औँ राष्ट्रिय महाधिवेशनलाई एकता महाधिवेशनको रूपमा सफल पार्ने संयुक्त प्रतिबद्धता व्यक्त गरेका छन् ।