राउटे समुदायमा अत्यधिक मदिरामोह !

दैलेख । २०७२ सालमा अछामको तुर्माखाँद गाउँपालिका कुजेडा स्थानमा राउटे युवा कपिल शाही जलेर सख्त घाइते भए । उपचारका लागि काठमाडौं लगिए पनि घाउ निको भएन । घाउको दुखाइ कम गर्न उनले मदिराको सहारा लिए ।

नियमित मदिरा सेवनले उनलाई अन्य स्वास्थ्य समस्या देखियो । अन्ततः कपिलले २०७७ असार ३१ गते ज्यान गुमाए । यसअघि मुखिया ऐनबहादुर शाहीको तल्लोडेश्वर र कृष्णबहादुर शाहीको अछाम तुर्माखाँदको भैरवस्थानमा अत्याधिक मदिरा सेवनले गर्दा लडेर मृत्यु भएको थियो ।