मोहम्मद अल–बशीर सिरियाको अन्तरिम प्रधानमन्त्री नियुक्त

दमास्कस । सिरियामा बसर अल असदलाई सत्ताबाट हटाउन विद्रोही समूहलाई सघाउन महत्त्वपूर्ण भूमिका खेलेका मोहम्मद अल–बशीरलाई अन्तरिम प्रधानमन्त्री नियुक्त गरिएको छ । स्थानीय सञ्चारमाध्यमले यो जानकारी दिएका छन् ।

एक टेलिभिजन सम्बोधनमा मोहम्मद अल-बशीरले उनी अर्को वर्ष मार्च १ सम्म पदमा रहन तयार घोषणा गरेका छन्। बशीरले सानो मन्त्रिपरिषद्को नेतृत्व गर्नेछन्। सार्वजनिक सेवाहरू पुनः सुचारु गर्न सकोस् भनेर यसो गरिएको हो।