सिजनको अन्तिम खेलमा बार्सिलोना विजयी

काठकाडौं । बार्सिलोनाले स्पेनिस ला लिगा फुटबलअन्तर्गत सिजनको अन्तिम खेलमा जित निकालेको छ । शनिबार राति भएको खेलमा बार्सिलोनाले रेलिगेसनमा गएको इबरलाई १–० ले पराजित गरेको हो ।

इबरको घरेलु मैदानमा भएको खेलमा बार्सिलोनालाई जित दिलाउन एन्टोनी ग्रिजम्यानले निर्णायक गोल गरे । पहिलो हाफमा गोलरहित बराबरी खेलेको बार्सिलोनाले दोस्रो हाफमा एक गोल गरेको हो । खेलको ८१औँ मिनेटमा ग्रिजम्यानले बार्सिलोनाका लागि गोल गरेका थिए ।