यो उपेक्षा र अपमानको हिसाब–किताब हुनेछ : राई

धनकुटा — नेपाली कांग्रेसले निर्वाचन आयोगमा बुझाएको समानुपातिक उम्मेदवारको बन्द सूचीमा धनकुटासहित कोशीका केही जिल्लाबाट एक जनाको पनि नाम नपरेको भन्दै कांग्रेसका धनकुटा सभापति दिनेश राईले सामाजिक सञ्जालमार्फत तीव्र असन्तुष्टि जनाएका छन् ।

सभापति राईले मंगलबार सामाजिक सञ्जाल फेसबुकमार्फत ‘नेपाली कांग्रेसको नेतृत्वलाई खुला प्रश्न’ भन्दै संघर्षमा काँध, आन्दोलनमा रगत र निर्वाचनमा भोट दिएको जिल्लाबाट एक जना पनि समानुपातिक सूचीमा नराखेर जिल्लाको अस्तित्व नै मेटाउन खोजेको भन्दै पार्टी नेतृत्वसँग आक्रोश पोखेका छन् ।