इलाम उपनिर्वाचनः २५ देखि ६८ वर्षसम्मका उम्मेदवार

इलाम । आगामी १५ वैशाखमा इलाम–२ मा हुन गइरहेको प्रतिनिधिसभाको उपनिर्वाचनका लागि २५ वर्षदेखि ६८ वर्ष उमेरसम्मका उम्मेदवार रहेका छन् । निर्वाचनका लागि शनिबार २० जनाले उम्मेदवारी दर्ता गराएका छन् ।

सबैभन्दा कम उमेरका अर्जुनबहादुर शाही २५ वर्षका छन् । यस्तै, योगेन्द्र गुरुङ २९, मिलनकुमार योङहाङ लिम्बु ३१ वर्षका रहेका छन् । पत्रकारिता क्षेत्रबाट राजनीतिमा प्रवेश गरेका लिम्बुलाई राष्ट्रिय स्वतन्त्र पार्टी (रास्वपा)ले उम्मेदवार बनाएको हो । कुनै पनि दलमा आबद्ध नभई निर्वाचनमा होमिएको बताउने लिम्बु पछि रास्वपाबाट उम्मेदवार बनेका हुन् ।