जाजरकोट भुकम्प : १८ भन्दा बढीको मृत्यु पुष्टि 

काठमाडौँ — जाजरकोट आसपासलाई केन्द्र बनाएर मध्यराती गएको ६.४ म्याग्निच्युडको भुकम्पमा परी १८ भन्दा धेरैको मृत्यु भएको पुष्टि भईसकेको छ । कान्तिपुरका जिल्ला संवाददाताहरुबाट शनिबार राती २ बजेसम्म संकलन गरिएको विवरणअनुसार सबैभन्दा ठूलो क्षति जाजरकोट र सिमाना जोडिएको रुकुम पश्चिममा भएको देखिन्छ ।

राती भएकाले मृत्यु र क्षतिको पूर्ण विवरण आईसकेको छैन । यद्यपी प्रहरी र स्थानीय तहका अधिकारीहरुले मृत्युको संख्या अझै बढन सक्ने बताएका छन् ।