उपसभामुख रानामगरको भिसामा समस्या, बेलायतमा कार्यक्रम रद्द

लन्डन । संघीय संसद्की उपसभामुख इन्दिरा रानामगरको बेलायत भ्रमण स्थगित हुँदा पूर्वनिर्धारित कार्यक्रमहरू रद्द भएका छन् । मार्च २ तारिख शनिबार लन्डन उत्रिने भनिएकी रानामगरको बेलायत भ्रमण ‘भिसा’ का कारण रद्द भएको हो ।

अन्तिम समयमा उनको भ्रमण स्थगित भएपछि बेलायती पूर्व प्रधानमन्त्री टेरेजा मे, बेलायती उपसभामुखलगायतका नेताहरूसँगको भेटघाट स्थगित भएका हुन् । उनको उपस्थितिमा सातजना बेलायती सांसदसँग ननिङटनमा तय भएको च्यारिटी डिनरलागयात विभिन्न संघसंस्थासँगको अन्तरक्रिया पनि रद्द भएको संयोजक क्याप्टेन भीम सारुले जनाए ।