बार्सिलोनालाई सुपर कप उपाधिः रियल म्याड्रिड ३–२ ले पराजित

काठमाडौँ। बार्सिलोनाले स्पेनिस सुपर कपको फाइनलमा आफ्नाे चिर प्रतिद्वन्द्वी रियल म्याड्रिडलाई ३–२ गोल अन्तरले पराजित गर्दै उपाधि जितेको छ । यो जितसँगै बार्सिलोनाले गत वर्षको सफलतालाई दोहोर्‍याएको छ।

बार्सिलोनाका लागि राफिन्हाले दुई गोल गरे उनले खेलको ३६औँ मिनेटमा पहिलो गरे भने ७३ औँ मिनेटमा व्यत्तिगत दोस्रो गोल गरे । रोबर्ट लेवान्डोस्कीले पहिलो हाफको इन्जुरी समयमा एक गोल थपे । रियल म्याड्रिडका लागि भिनिसियस जुनियर र गोन्जालो गार्सियाले गोल फर्काए पनि टोलीलाई हारबाट बचाउन सकेनन् ।