‘आ बाट आमा २’ असोज ३०मा प्रदर्शन हुने

काठमाडौँ । ‘आ बाट आमा २’ असोज ३० गतेबाट प्रदर्शनमा आउने भएको छ । दसैँको फूलपातीका दिनदेखि देशव्यापी तथा विदेशमा पनि फिल्म प्रदर्शन गर्न लागिएको हो । निर्माण युनिटले वितरकसँगको छलफलमा फिल्मको रिलिज मिति दसैँमा फाइनल भएको जनाएको छ ।

आर्य इन्टरटेन्मेन्टको ब्यानरमा निर्माण भएको फिल्मको रिलिज मितिसँगै क्रोएसिया प्रदर्शन अधिकार (राइट्स) बिक्री भएको छ। क्रोएसियाका लागि ‘नेप इन्टरटेन्मेन्ट’ र जाग्रेबस्थित ‘बुद्ध मार्ट’ ले अधिकार खरिद गरेको हो ।