बुटवल खाना महोत्सव–२०८२ सुरु

बुटवल। नेपाली मौलिक कला, संस्कृति, स्वाद र पहिचानको सम्मान गर्दै आन्तरिक पर्यटन प्रवर्द्धन, विकास र रोजगारी सृजना गर्ने उद्देश्यसहित आयोजना गरिएको बुटवल सडक खाना महोत्सव–२०८२ आज (मंगलबार) रातिदेखि सुरु भएको छ ।

१७ गते सम्म चल्ने महोत्सवको उद्घाटन गर्दै बुटवल उपमहानगरपालिकाका नगरप्रमुख खेलराज पाण्डेयले रात्रिकालीन बजारमार्फत सहरलाई थप गुलजार बनाउन सबैको सहकार्य आवश्यक रहेको बताए । उनले कालिका पथलाई बुटवलको ‘सपनाको पथ’ र व्यावसायिक सम्भावना बोकेको क्षेत्रका रूपमा विकास गर्न पालिका प्रतिबद्ध रहेको उल्लेख गरे । जातीय तथा सांस्कृतिक पहिचान झल्कने कार्यक्रमलाई संघ–संस्थासँग सहकार्य गर्दै अघि बढाइने पनि उनले बताए ।