२०३४ को फिफा विश्वकप साउदी अरबले आयोजना गर्ने

फुटबलको सर्वोच्च प्रतियोगिता फिफा विश्वकपका आगामी दुई संस्करणका आयोजक देशहरूको घोषणा भएको छ । फिफाले २०३० र २०३४ का विश्वकप आयोजना गर्ने देशबारे आफ्नो आधिकारिक फेसबुक पोस्टमार्फत जानकारी दिएको छ ।

फिफाका अनुसार विश्वकप २०३० को आयोजना मोरक्को, पोर्चुगल र स्पेनले संयुक्त रूपमा गर्नेछन् । यसका साथै प्रतियोगिताका तीन विशेष उद्घाटन खेलहरू अर्जेन्टिना, पराग्वे र उरुग्वेमा सम्पन्न हुनेछन् ।