बालसुविधाको प्रश्न

नेपालले विगत केही दशकयता खुला दिसामुक्त अभियान, खानेपानी तथा सरसफाइ कार्यक्रमलगायत संयुक्त राष्ट्र संघीय दिगो विकास लक्ष्य (एसडिजी) प्राप्तिका लागि अनेकन् योजना अघि सारेको छ। ‘नेपालको संविधान–२०७२’ले नै स्वच्छ वातावरण, सुरक्षित खानेपानी र आधारभूत स्वास्थ्यलाई नागरिक अधिकारका रूपमा सुनिश्चित गरेको छ।

पछिल्लो ‘बालबालिका बहुसूचक सर्वेक्षण २०२४/२५’ले देखाएको अवस्था भने अत्यन्त चिन्ताजनक छ। सर्वेक्षणअनुसार नेपालका १०० बालबालिकामध्ये केवल ४० मात्र सुरक्षित तथा व्यवस्थित शौचालयको पहुँचमा छन् भने ४७ ले मात्र सुरक्षित पिउने पानी पाएका छन्। अर्थात्, करिब आधाभन्दा बढी बालबालिका अझै पनि स्वच्छता र सुरक्षित पानीजस्तो आधारभूत सेवाबाट वञ्चित छन्।