ट्रम्पले निकाल्नु भन्दा पहिल्यै एफबीआई प्रमुखले जागिर छोड्ने

काठमाडौं । अमेरिकी संघीय जाँच व्यूरो एफबीआई प्रमुख क्रिस रे’ले राष्ट्रपति निर्वाचित डोनाल्ड ट्रम्पले निकाल्नु भन्दा पहिल्यै राजीनामा दिने तयारी गरेका छन् । उनले जो बाइडेन प्रशासनको समयावधि सकिएसँगै राजीनामा दिने बताइएको छ ।

ट्रम्पले अघिल्लो कार्यकालमा तत्कालीन एफबीआई प्रमुखलाई बर्खास्त गरेपश्चात रेको नाम प्रस्तावित गरेका थिए । रे’को १० वर्षे कार्यकाल मध्ये अझै ३ वर्ष बाँकी नै छ । एफबीआई प्रमुखको पद विशुद्ध प्रशासनिक तथा राजनीतिक लिङ्करहित रहने भएका कारण रे’को राजीनामालाई अर्थपूर्ण रुपमा हेरिएको छ । उनी हिँडेपछि ट्रम्पका लागि एफबीआई प्रमुख छान्नु र हटाउनू सामान्यजस्तै हुने भनी चिन्ता गर्न थालिएको छ ।