डेढ दशकपछि छिपछिपे–कोटगाउँ सडक कालोपत्र, सदरमुकाम पुग्न सजिलो

पर्वत । मार्ग खुलेको झण्डै डेढ दशकपछि पर्वतको कुश्मा नगरपालिका–४ अर्मादीदेखि वडा नं २ खुर्कोट जोड्ने छिपछिपे–कोटगाउँ–खुर्कोट सडक कालोपत्र भएको छ। छिपछिपे–कोटगाउँ सडकखण्डअन्तर्गत छिपछिपे–आँटीघर–गगनपानी माथिको घुम्तीसम्म कालोपत्र गर्ने काम सम्पन्न भएको हो।

उक्त सडक खण्डमा झण्डै २२० मिटर ढलान र एक किलोमिटर कालोपत्र गरिएको छ। त्यसैगरी, पोलम नाली, २९५ घनमिटर जाली भर्ने कार्य लगायतका संरचना निर्माण कार्य सम्पन्न भएको सडक निर्माण समितिका अध्यक्ष गणेशबहादुर क्षेत्रीले जानकारी दिए।