जेनजीका नाममा नेकपाको चुनावी ‘अफर’

काठमाडौं । नेपाली कम्युनिस्ट पार्टीले जेनजीलाई लक्षित गर्दै चुनावी अफर दिएका छन् । नेपाली कम्युनिस्ट पार्टी सम्बद्ध जेनजीको राष्ट्रिय भेला गरेर पार्टीमा जिम्मेवारीदेखि चुनावमा टिकट दिने आश्वासन दिएका छन् । जेनजी आन्दोलनपछि राजनीतिक दलहरूलाई युवा पुस्ता समेट्नुपर्ने बाध्यात्मक अवस्था आएपछि दलहरूले भेला गरेर जनसंगठन नै बनाएका छन् ।

नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले आइतबार पार्टी केन्द्रीय कार्यालयमा जेनजी रेड फोर्सको भेलामा बोल्दै पार्टी र उम्मेदवारीमा जेनजीलाई प्रोत्साहन दिने बताए । जेनजी जागरण तथा वृहत् सांस्कृतिक कार्यक्रममा प्रचण्डले समानुपातिकको बन्दसूचीदेखि प्रत्यक्षको उम्मेदवारीमा समेत जेनजीलाई प्राथमिकतामा राखिएको बताए ।