जुम्ली मतदाता भन्छन् : कालापहाड जानुपर्ने बाध्यता अन्त्य गर्नेलाई भोट

जुम्ला — दशक अघिसम्म जुम्लामा चामल र नुनमा राजनीति हुन्थ्यो । राजनीति गर्न चामल र नुनको डिपोमा नेता भौतारिरहेका हुन्थे । तत्कालका हरेक गाविसबाट एक जना चामल र नुनकै लागि भए पनि आधिकारीक पार्टी प्रतिनिधिका रुपमा खटाउने चलन हुन्थ्यो ।

त्यो प्रतिनिधिको काम जिल्लाको सीडीओबाट जतिसक्दो बढी कुपन हत्याउने र जनतालाई गाह्रो साह्रोमा चामल र नुन उपलब्ध गराउने हुन्थ्यो । जनताले आफ्नै रकमले चामल र नुन किन्थे तर सहजैरुपमा पाउँदैनथे ।