अमेरिकी अन्तरिक्ष यात्री क्रिस्टिना कोचलाई स्पेनको प्रतिष्ठित ‘कन्कर्ड’ पुरस्कार

चन्द्र अभियानमा सहभागी हुने पहिलो महिला अमेरिकी अन्तरिक्ष यात्री क्रिस्टिना कोचलाई मानवताको प्रगति र अन्तरिक्ष अन्वेषणमा योगदान पुर्याएकोमा स्पेनको प्रतिष्ठित ‘प्रिन्सेस अफ अस्टुरियास अवार्ड फर कन्कर्ड’ प्रदान गरिने भएको छ ।

पुरस्कारको निर्णायक मण्डलले बुधबार कोचको करियर भावी पुस्ता, विशेषगरी महिलाका लागि प्रेरणाको स्रोत बनेको जनाएको छ । निर्णायक मण्डलका अनुसार कोचको उपलब्धिले कडा परिश्रम, सहकार्य र सहानुभूतिमार्फत चुनौती तथा प्रतिकूलतालाई पार गर्ने मानव क्षमतालाई प्रतिबिम्बित गर्छ ।