शेरबहादुर मेरा अप्ठ्यारा र अँध्यारा दिनका साथीः प्रधानमन्त्री ओली

प्रधानमन्त्री केपी शर्मा ओलीले कांग्रेस सभापति शेरबहादुर देउवा आफ्ना ५० वर्षदेखिका पुराना मित्र भएको बताएका छन् ।

बुढानिलकण्ठ–१, मुहानपोखरीमा नवनिर्मित रिसोर्टको उद्घाटन गर्दै प्रधानमन्त्री ओलीले पूर्वप्रधानमन्त्री देउवा अप्ठ्यारा र अँध्यारा दिनमा भेटेका साथी भएको उल्लेख गरे । आफूहरुले जेलमा रहँदा देखेको लोकतान्त्रिक, सुन्दर र सभ्य समाजको लक्ष्यलाई साकार पार्न सभापति देउवासँग अहिले राजनीतिक सहकार्य गरिएको प्रधानमन्त्री ओलीको भनाइ थियो ।