फिल्म सुटिङका क्रममा विषालु कीराले टोकेपछि अभिनेता राजेश शर्मा अस्पताल भर्ना

मुम्बई । बलिउड अभिनेता राजेश शर्मालाई खुट्टामा सङ्क्रमण भएपछि अस्पताल भर्ना गरिएको छ। हैदराबादको रामोजी फिल्म सिटीमा अभिनेता प्रभासको फिल्मको सुटिङका क्रममा उनलाई कुनै विषालु कीराले टोकेको थियो।

अवस्था बिग्रिँदै गएपछि उनलाई पश्चिम बङ्गालको ढाकुरियास्थित मनिपाल अस्पतालमा भर्ना गरिएको छ, जहाँ उनी डाक्टरहरूको निगरानीमा रहेका छन्। उनकी सह-कलाकार सुदीपा चटर्जीले सोसल मिडियामा अभिनेताको परिवारका तर्फबाट हेल्थ नोट जारी गर्दै यस कुराको जानकारी दिएकी हुन्। डाक्टरका अनुसार राजेश शर्मा अझै पनि खतरामुक्त भने भइसकेका छैनन्।