जिल्ला स्तरीय राष्ट्रपति रनिङ शिल्डको उपाधि सुरुङ्गालाई

जिल्ला खेलकुद विकास समिति सप्तरीको आयोजना तथा सप्तकोसी नगरपालिकाको सहआयोजनामा सम्पन्न १६औँ जिल्ला स्तरीय राष्ट्रपति रनिङ शिल्ड प्रतियोगिताको उपाधि सुरुङ्गा नगरपालिकाले जितेको छ ।

सप्तकोसी नगरपालिका–८ स्थित नन्द उमा पब्लिक मावि ओद्राहाको खेलमैदानमा आइतबार सम्पन्न प्रतियोगितामा १७ स्वर्ण पदकसहित सुरुङ्गा नगरपालिका प्रथम भएको हो । प्रतियोगितामा ८ स्वर्ण पदकसहित सप्तकोसी नगरपालिका दोस्रो तथा ३ स्वर्ण पदकसहित बोदेबर्साइन नगरपालिका तेस्रो भएको छ ।