रमा हत्या प्रकरणः बिहारका पण्डित पक्राउ

झापाको दमकमा मृत भेटिएकी रोमा भनिने रमा तिवारीको हत्यामा संलग्न आरोपमा प्रहरीले एकजनालाई पक्राउ गरेको छ । २० वर्षीया रमाको शव गत जेठ १६ गते दमक नगरपालिका–१० स्थित रतुवा खोला किनारमा बोरामा भेटिएको थियो।

झापाकी एसपी बसुन्धरा खड्काले भारत बिहार घर भएर दमक बस्दै आएका ३४ वर्षीय राकेश कुमार पण्डितलाई नियन्त्रणमा लिएको बताइन्। कोशी प्रदेश प्रहरी कार्यालयको सहयोगमा दमकका डीएसपी हरिबहादुर बस्नेत नेतृत्वको टोलीले उनलाई जेठ २१ गते पक्राउ गरेको हो ।