एकपटक मात्रै पनि ‘चेक बाउन्स’ भए अब सिधैं कालोसूचीमा

काठमाडौं । खातामा रकम मौज्दात नभएको वा मौज्दात भएपनि पर्याप्त नभएको अवस्थामा चेक अनादर प्रमाणित भएमा कालोसूचीमा समावेश गर्न तत्कालै पहल सकिने भएको छ । यसअघि दुई पटकसम्म चेक फिर्ता भएपछि मात्रै कालोसूचीमा राख्न पहल गर्न पाउने व्यवस्था थियो । नयाँ व्यवस्थासँगै बैंकमा चेक साट्न जाँदा पर्याप्त मौज्दात नभएमा तत्काल कालोसूचीमा राख्न सकिने भएको हो ।

नेपाल राष्ट्र बैंकले इजाजतपत्रप्राप्त ‘क’, ‘ख’, ‘ग’ वर्गका बैंक तथा वित्तीय संस्थाहरूलाई एकीकृत निर्दे शन जारी गर्दै चेक अनादरसम्बन्धी नयाँ परिपत्र जारी गरेको हो । केन्द्रीय बैंकल निर्दे शनको पालना नगरी नगद जरिमानाको कारबाहीमा परेका बैंक तथा वित्तीय संस्थाका सञ्चालक, कार्यकारी प्रमुख तथा अन्य कर्मचारीबाट नगद जरिमाना भुक्तानी नभएसम्म पनि कालोसूचीमा राख्ने उल्लेख गरेको छ ।