रौतहटमा नहरमा महिलाको शव फेला

रौतहट । रौतहटको राजपुर नगरपालिकामा बिहीबार बिहान एक महिलाको शव नहरमा फेला परेको छ। घटनाबारे प्रहरीले अनुसन्धान सुरु गरेको छ।

बिहीबार बिहान करिब ७ः२० बजे राजपुर नगरपालिका–३ स्थित राजपुर–फतुवा सडकखण्ड छेउको नहरमा महिलाको शव रहेको सूचना पाएपछि इलाका प्रहरी कार्यालय राजपुर र जिल्ला प्रहरी कार्यालय रौतहटबाट अपराध अनुसन्धान टोलीसहित प्रहरी घटनास्थल पुगेको थियो।