युरोपा लिग : होजलुण्डले कोरे म्यान्चेस्टर युनाइटेडको भाग्य

काठमाडौं । युरोपा लिगमा इंग्लिश क्लब म्यान्चेस्टर युनाइटेडले लगातार तेस्रो जित निकाल्दै अघिल्लो चरणको सम्भावना बलियो बनाएको छ । बिहीबार राती भएको खेलमा चेक गणतन्त्रको भिक्टोरिया प्लजेनलाई २-१ ले हराउँदै म्यानयु अन्तिम आठको महत्वपूर्ण क्षेत्रमा प्रवेश गरेको छ ।

युनाइटेडको छलाङका लागि रासमस होजलुण्ड नायक सिद्ध भए । उनैले गरेका दुई गोलले म्यानयु क्वार्टरफाइनल अर्थात् अन्तिम आठको जोनमा पुगेको हो । उनले म्यानयुको भाग्य कोर्दा प्लजेनका तर्फबाट माजेट भाइड्राले एक गोल फर्काए । लिग चरणको ६ खेल सकिँदा म्यानयु अपराजित छ भने ३ खेल बराबरी गरेको उसले १२ अंक जोडेको छ ।