लर्ड्समा पहिलो पटक महिला टेस्ट क्रिकेट, इङ्गल्यान्डले भारतको सामना गर्ने

काठमाडौँ । लन्डनस्थित विश्वप्रसिद्ध लर्ड्स क्रिकेट मैदानमा पहिलो पुरुष टेस्ट आयोजना भएको १४२ वर्षपछि अन्ततः पहिलो महिला टेस्ट क्रिकेट खेल हुन लागेको छ ।

शुक्रबारदेखि सुरु हुने चारदिने ऐतिहासिक खेलमा इङ्गल्यान्डले भारतको सामना गर्नेछ । भारतका मुख्य प्रशिक्षक अमोल मुजुमदारले यस ऐतिहासिक अवसरप्रति उत्साह व्यक्त गर्दै भने, ‘लर्ड्समा यो पहिलो महिला टेस्ट हुन लागेको कुरा सोच्दा नै अचम्म लाग्छ ।’