युक्रेनले रुसको गहिराइमा क्षेप्यास्त्र प्रहार गरेकोमा ट्रम्पको ‘कडा विरोध’

नवनिर्वाचित राष्ट्रपति डोनाल्ड ट्रम्पले बिहीबार प्रकाशित एक अन्तर्वार्तामा युक्रेनले रुसको गहिराइमा अमेरिकाद्वारा आपूर्ति गरिएको क्षेप्यास्त्र प्रहार गरेकोमा आफू ‘अत्यन्त तीव्र रूपमा’ असहमत भएको बताउनुभएको छ ।

तथापि किएभलाई अमेरिकी समर्थन युद्धलाई अन्त्य गर्ने प्रयासमा प्रमुख लाभ हुने भएकाले ट्रम्पले युक्रेनलाई नत्याग्ने बताउनुभयो ।