आत्म–रक्षाका लागि गोलान बफर जोन कब्जा गरेको इजरायलको भनाइ

गोलान हाइट्समा इजरायली र सिरियाली सेनालाई छुट्याउने संयुक्त राष्ट्रसङ्घद्वारा नियन्त्रित बफर जोनबाट पछि हट्न फ्रान्सले आग्रह गरेपछि इजरायलले बिहीबार ‘आफ्नो रक्षाका लागि कार्य जारी राख्ने’ बताएको छ ।

इजरायली प्रधानमन्त्री बेन्जामिन नेतान्याहुले आइतबार सिरियाली राष्ट्रपति बशर अल–असदलाई विद्रोहीहरूले सत्ताबाट हटाएपछि गोलान हाइट्सको सिरियाली नियन्त्रित भागमा रहेको असैन्यीकृत क्षेत्रलाई ‘कब्जा’ गर्न सेनालाई आदेश दिएको घोषणा गर्नुभएको थियो ।