राष्ट्रपति रनिङ शिल्ड : वाग्मतीले गर्‍यो उपाधि रक्षा

काठमाडौं । साविक विजेता वाग्मती प्रदेशले १६औँ केन्द्रीय राष्ट्रपति रनिङ शिल्ड खेलकुद प्रतियोगिताको उपाधि रक्षा गरेको छ । शुक्रबार सम्पन्न प्रतियोगितामा वाग्मतीले २२ स्वर्ण, २१ रजत र १३ कांस्य पदक जित्यो ।

राष्ट्रिय खेलकुद परिषद् (राखेप)को आयोजना तथा प्रदेश खेलकुद विकास परिषद्, वाग्मती प्रदेश र नेपालय इन्टरनेसनल प्रालिको सह–आयोजनामा भएको प्रतियोगितामा सुदूरपश्चिम प्रदेश दोस्रो भयो । सुदूरपश्चिमले १९ स्वर्ण, नौ रजत र १४ कांस्य हात पार्‍यो ।