रेमिट्यान्स टेको मात्रै

अर्थतन्त्रलाई उद्योग, व्यवसाय र कृषिको भर दिनुपर्छ। नीतिनिर्माताले त्यतापट्टि कदम चाल्न जरुरी छ।

मुलुकमा गएको चैत महिनामा १ खर्ब ९ अर्ब रुपैयाँ विप्रेषण आय भयो। साउनयता सबैभन्दा ज्यादा विप्रेषण आय मुलुकमा भएको खबर हर्ष हो कि विस्मात भन्न गाह्रो छ। शिथिल अर्थतन्त्रका लागि यो खबर पक्कै पनि हर्ष नै हो। तर मुलुकको समग्र अर्थतन्त्रको भर सधैं सधैं रेमिट्यान्स नै हुनु चाहिँ पक्कै पनि खुसीको विषय होइन। गर्वको विषय होइन।