विश्वव्यापी जलचक्रको संरक्षण अपरिहार्य

विश्वका सरकार र वित्तीय संस्थाले पृथ्वीको जीवनाधार प्रणालीको संरक्षण र पुनस्र्थापनाका लागि तत्काल साझा दृष्टिकोण बनाउन आवश्यक देखिएको छ। विज्ञान, अनुगमन प्रविधि र तथ्यांकीय उपलब्धतामा हाल भएका प्रगतिलाई उपयोग गर्दै अब पानीलाई वास्तवमै साझा र सीमापार सम्पत्तिका रूपमा व्यवहार गर्ने समय आइसकेको छ।

हुन पनि, विश्वव्यापी जलचक्र हाम्रो ग्रहको जीवनाधार प्रणाली हो । यो एक शक्तिशाली वातावरणीय पम्प हो, जहाँ वनहरूले वाष्पोत्सर्जनमार्फत आद्र्रता उत्सर्जन गरी वायुमण्डलमा विशाल तावा पानीका प्रवाहलाई पुनर्भरण गर्छन् । जलचक्र पृथ्वीको ‘थर्मोस्टेट’ पनि हो, जसले वाष्पीकरण र बादल निर्माणमार्फत जलवायु सन्तुलन कायम राख्छ । साथै, यो एक विशाल प्राकृतिक फिल्टर हो, जसले माटो र सिमसार क्षेत्र हुँदै बग्ने क्रममा पानीलाई शुद्ध बनाउँछ।