दार्जिलिङ ब्रान्डको दबाबमा भारतद्वारा नेपाली चिया निर्यातमा सधै अवरोध

काठमाडौं । नेपाली चियालाई भारतीय पक्षले बारम्बार अवरोध सिर्जना गरेको छ । दार्जिलिङ टी एसोसिएसनको एउटै माग छ ‘नेपाली चियाको आयात रोक्नुपर्ने ।’

यही दबाबमा भारतको पश्चिम बंगाल र केन्द्र सरकार पर्ने गरेको छ । सन् २०१९ मा पश्चिम बंगाल विधानसभाकी तत्कालीन सांसद शान्ता क्षेत्रीले सदनमा कडा रूपमा कुरा उठाइन्, ‘नेपाली चिया गुणस्तरहीन छ । यसको आयात तत्काल रोक्नुपर्छ ।’ १० अप्रिल २०२४ मा बंगाल सरकारले व्यवहारमै लागू गर्न थाल्यो । नेपाली चियाको गुणस्तरमाथि शंका उब्जिएको भन्दै भारतीय भन्सारले शतप्रतिशत नमुना संकलन गरेपछि मात्रै चिया भित्रिन दिने अडान राख्यो ।