दक्षिण कोरियाको चेओङगेचेनजस्तै बन्ला त पोखराको फिर्के ?

पोखरा । अहिले दक्षिण कोरियाको चेओङगेचेन खोलालाई जोडेर पोखराको फिर्के खोलाको प्रचार गरिएको छ । पोखरा महानगरपालिकाका नगर प्रमुख धनराज आचार्यले चेओङगेचेन खोलाकै परियोजना फिर्केमा लागु गर्ने काल्पनिक योजना अघि सारेका छन् ।

चिओङगेचेन त्यस्तो खोला हो, जुन लामो समय राजमार्ग र ढल निकासका लागि प्रयोग भयो भने २३ वर्षअघि पर्यटकीय क्षेत्रका रुपमा विकास गरियो । यहाँ अहिले दैनिक ६४ हजार र वर्षभरि २३ मिलियन अर्थात् २ करोड ३० लाखले भ्रमण गर्छन् । पछिल्लो २० वर्षमा यहाँ ३३० मिलियन अर्थात् ३३ करोडभन्दा बढी मान्छेले भ्रमण गरिसकेका छन् ।