बागमतीको प्रदेशस्तरीय राष्ट्रपति रनिङ सिल्ड छनोट १३ गतेदेखि

हेटौँडा । बागमती प्रदेशस्तरिय राष्ट्रपति रनिङ शिल्ड प्रतियोगिता आगामी जेठ १३ गतेदेखि हुने भएको छ । बागमती प्रदेश खेलकुद विकास परिषद्को आयोजनामा आगामी जेठ १३ गतेदेखि १५ गतेसम्म १६औं प्रदेशस्तरीय राष्ट्रपति रनिङ सिल्ड छनोट प्रतियोगिता सञ्चालन हुने भएको हो ।

विद्यालय तहका खेल प्रतिभाहरुको पहिचान, विकास र प्रोत्साहन गर्ने उद्देश्यले प्रतियोगिता आयोजना गर्न लागिएको परिषदका सदस्य सचिव दीपक लामाले जानकारी दिए । काठमाडौं र ललितपुरमा आयोजना हुने उक्त प्रतियोगिताको उद्घाटन जेठ १३ गते दिउँसो १ बजे काठमाडौंको दशरथ रंगशालामा हुने उनले बताए ।