तनावले म्यान्सिटीका मुख्य प्रशिक्षक ग्वार्डिवलाको पाचन प्रणाली नै बिग्रियो

काठमाडौं । मानसिक तनावका कारण इंग्लिश क्लब म्यान्चेस्टर सिटीका मुख्य प्रशिक्षक एवं व्यवस्थापक पेप ग्वार्डिवलाको पाचन प्रणाली नै विग्रिएको छ । आफ्नो खेल व्यवस्थापकीय करियर कै खराब परिणामका कारण उनको निद्रा तथा खानपान समेत प्रभावित भएको हो ।

बुधबार च्याम्पियन्स लिगमा युभेन्ट्ससँग हार्नुभन्दा पहिले उनले इटालीका पूर्व अन्तर्राष्ट्रिय खेलाडी लुका टोनीसँगको साक्षात्कारमा अचानक म्यान्सिटीको लय भताभुङ्ग भएसँगै त्यसको प्रभाव आफ्नो व्यक्तिगत जीवनमा समेत परेको बताए ।