अमेरिका- इरान सम्झौता नजिक, औपचारिक सहमति हुन भने बाँकी

काठमाडौँ । अमेरिकी राष्ट्रपति डोनाल्ड ट्रम्पले अमेरिका र इरानबीच नयाँ सम्झौता नजिक पुगेको सङ्केत दिएका छन्। यद्यपि दुवै पक्षबिच्छ औपचारिक सहमति भने अझै भइनसकेको बताइएको छ। सीएनएनका अनुसार अमेरिकी प्रशासनका एक वरिष्ठ अधिकारीले सम्झौताका केही महत्त्वपूर्ण विषयमा अझै छलफल जारी रहेकाले तत्काल औपचारिक हस्ताक्षर हुने सम्भावना नरहेको बताएका छन्।

रिपोर्टअनुसार इरानले होर्मुज जलमार्ग पुनः सञ्चालनमा ल्याउने तथा आफ्नो उच्च स्तरमा समृद्ध गरिएको युरेनियमको मौज्दात हटाउने विषयमा सिद्धान्ततः सहमति जनाएको छ। तर उक्त युरेनियम कसरी व्यवस्थापन गर्ने र भविष्यमा युरेनियम संवर्द्धनमाथि कति समय रोक लगाउने भन्ने विषय अझै टुङ्गो लाग्न बाँकी रहेको जनाइएको छ।