खेलकुद पूर्वाधारमा लगानी बढ्दै, कञ्चनपुरमा निर्माण कार्य तीव्र

कञ्चनपुरका खेलकुद पूर्वाधारमा बजेट विनियोजन भएपछि धमाधम संरचना निर्माण अघि बढेको छ । जिल्ला खेलकुद समिति कञ्चनपुरका अनुसार क्रिकेट मैदान, एथ्लेटिक्सका लागि चार सय मिटर ट्रयाक र हक्कीका लागि खेल मैदान निर्माण भइरहेको छ ।

जिल्ला खेलकुद समितिका प्रमुख गोपालदत्त भट्टले सुदूरपश्चिम प्रदेश सरकारको लगानीमा चालु आर्थिक वर्षमा खेल संरचना निर्माण भइरहेको बताए ।जसका लागि क्रिकेट मैदानको माटो भरानका लागि ५० लाख, चार सय मिटर ट्रयाकका लागि २५ लाख र हक्की खेल मैदान निर्माणका लागि १५ लाख रुपैयाँ विनियोजन भएको छ ।