मुख्य सामग्रीमा जानुहोस्

समाचार

देश

चौंरी गोठ फर्कंदै किसान

ekantipur.com · Sat Apr 16 01:21:01 GMT 2022

पाँचथर — अत्यधिक चिसो भए बेंसी झार्नु र गर्मीमा लेक उकालिनु चौंरीपालकका लागि निकै सास्तीको यात्रा हुन्छ । चौंरीले गर्मी खप्न सक्तैनन् । तर चौंरीपालनमा राम्रो आम्दानी छ, जसले यसमा लाग्ने लगानी श्रम र समयको सन्तोषजनक हिसाब दिन्छ । त्यसैले हिजोआज फेरि चौंरी पाल्न पहाड उक्लिनेहरू बढ्न थालेका छन् ।

पाँचथरमा पाँच वर्षदेखि आयोजना भइरहेको महोत्सवमा केही किसान चौंरीपालनमा सास्ती भए पनि फाइदा मनग्य हुने बताइरहेका भेटिए । पाँच वर्ष मलेसियामा बसेर फर्केका फालेलुङ–४ का सन्दीप राईले फालौटमा चौंरी पाल्न थालेका छन् । साउदी र कतारमा ७ वर्ष श्रम गरेर फर्केका फालुङकै सन्तकुमार राईले पनि यही पेसा अँगालेका छन् । ‘पहिले गोठाले जीवन कष्टकर थियो । घिउ, छुर्पी बेच्न इलाम र पाँचथरसँगै भारतका विभिन्न बजार पुर्‍याउनुपर्थ्यो, ती समस्या समाधान हुँदै गएकाले फेरि गोठ फर्केको हुँ,’ उनले भने ।

स्रोतमा पूरा पढ्नुहोस् (ekantipur.com)