पत्रकार किशोर श्रेष्ठ जोडिएको घटनाबारे चिनियाँ दूतावासको चासो, गहिरो छानबिन गर्न आग्रह

काठमाडौं । जनआस्थाको कार्यालय गेटमा ५० हजार नगद र रक्सीको बोतल छोडिएको घटनालाई लिएर काठमाडौंस्थित चिनियाँ दूतासावसले पनि चासो दिएको छ । दूतावासका प्रवक्ताले यस घटनाका सम्वन्धमा गम्भीर अनुसन्धानको लागि आग्रह गरेका छन् ।

चिनियाँ नागरिकको नामबाट वरिष्ठ पत्रकार किशोर श्रेष्ठलाई फोन गरेर पूर्वगृहमन्त्री सुधन गुरुङविरुद्ध समाचार लेख्न उक्साइएको फोन संवाद सार्वजनिक भएको थियो । त्यसलगत्तै श्रेष्ठले आफ्नो कार्यालयको गेटमा एक युवतीले ५० हजार पैसा र रक्सीको बोतल छोडेर गएको तस्बिर पोस्ट गरे । अहिले यो विषयले सामाजिक सञ्जालमा राम्रै बहस सिर्जना गरिरहेको छ ।