तीन समितिको बैठक बस्दै, यस्ता छन् छलफलका कार्यसूची

काठमाडौँ । सङ्घीय संसद्अन्तर्गत आज तीन ओटा महत्वपूर्ण संसदीय समितिका बैठकहरू बस्दैछन्। आज बैठक बस्ने समितिहरूमा महिला तथा सामाजिक मामिला समिति, विकास, आर्थिक मामिला तथा सुशासन समिति र सङ्घीयता सबलीकरण तथा राष्ट्रिय सरोकार समिति रहेका छन्।

आजको पहिलो बैठक बिहान ९:०० बजे महिला तथा सामाजिक मामिला समितिको बस्दैछ। सिंहदरबारस्थित समितिको आफ्नै सभाकक्षमा बस्ने उक्त बैठकमा समितिको तर्फबाट गरिने स्थलगत अनुगमन भ्रमणका सम्बन्धमा विस्तृत छलफल गरिने कार्यसूची तय गरिएको छ।